Sporti

Xhaka e Mustafi nuk i frikësohen Bayernit

“Stërvitja e fundit para super ndeshjes kundër Bayern Munich në Ligën e Kampionëve. Jemi në formë të mirë dhe të etur për fitore. Gati që të japim më të mirën tonë në Alianz Arena”, është shprehur Xhaka

Sonte Arsenalin e pret një ndeshje shumë e vështirë në Ligën e Kampionëve përballë Bayern Munichut në “Allianz Arena”, por Shkodran Mustafi dhe Granit Xhaka nuk i frikësohen aspak skuadrës gjermane, shkruan albinfo.ch.

 

Bayerni ka qenë shumë më i mirë se Arsenali në vitet e fundit, duke mos pasur shumë probleme për ta eliminuar skuadrën londineze.

 

Mustafa ka thënë se do të jetë vështirë, megjithatë, jo e pamundur për të fituar. “Është hera e parë për mua, por e di se Bayerni rregullisht ka eliminuar Arsenalin qe disa vjet. E dimë që Bayerni do të jetë vështirë të eliminohet, por ne e dimë se nëse luajmë me potencialin tonë, mund ta mposhtim”, ka thënë Mustafi për mediat angleze.

 

Granit Xhaka thotë se janë të etur për fitore, duke i dërguar sinjale nikoqirëve se udhëtojnë për rezultat pozitiv. “Stërvitja e fundit para super ndeshjes kundër Bayern Munich në Ligën e Kampionëve. Jemi në formë të mirë dhe të etur për fitore. Gati që të japim më të mirën tonë në Alianz Arena”, ka shkruar Xhaka në rrjetet sociale.