Sport
Yjet e futbollit gjerman, përkujtojnë Arlindin
Asaj mbrëmjeje të së mërkurës, futbolli nuk ishte në plan të parë, mungonin fjalë për të qetësuar shpirtin e nënës së Arlindit. Se sa vështirë kosovarja e kishte të shkonte në stadium pa Arlindin, këtë e kishin vërejtur të gjithë 1.326 tifozët e pranishëm. Dy vite pas aksidentit të Arlindit, kur vogëlushi 14-vjeçar kosovar u përplas me një kundërshtar tjetër dhe nuk e mbijetoi goditjen, nëna Shpresa Berisha mban një foto të madhe të Arlindit, e cila i përkujton ngjarjen tragjike të 28 shkurtit 2009, në ndeshjen e juniorëve në mes të Eintracht Norderstedt dhe HSV.
Për këtë ndeshje të premtuar, me karakter humanitar, nuk kishin përtuar të luanin edhe yjet e futbollit siç janë Zé Roberto apo Heiko Westermann. Ndërsa trajneri i atëhershëm i Arlindit, Diamantis Cholevas, ende nuk mund të besonte se atij i mungonte një lojtar, duke shprehur emocinet e thella të tij. „Për mua java ishte shumë e dëshpëruar, mendja më shkonte gjithnjë në ngjarjen e kobshme. Për mua Arlindi ka qenë një fëmijë i jashtzakonshëm dhe unë e përshëndes këtë takim me të cilin përkrahet familja e Arlindit“, ka deklaruar ai për të përditshmen gjermane „Hamburger Abendblatt“.
Edhe kryetari i Norderstedt-it Reenald Koch, ishte i thelluar në mendime: „Në atë kohë nuk mund ta paramendoja që mund të ndodhë një gjë e tillë. Unë personalisht jam prind dhe e paramendoja se po të më ndodhte mua një gjë e tillë, nuk e di se si do të reagoja“. Me 1.326 bileta të shitura, organizimi i kishte tejkaluar llogaritë e pritura duke grumbulluar mbi 10.000 euro. Para ndeshjes në mes të HSV dhe Eintracht Norderstedt 4:0 (3:0), të dy shoqatat u përshëndetën me familjen kosovare, e cila është me prejardhje nga Gjurgjeviku i Kosovës dhe tani jeton në Norderstedt.
Gjatë kësaj, nëna kishte parashtruar lutjen që të mos jetë në qendër të vëmendjes, ndërsa nipi i saj Hysen Hysenaj, shpjegon se çfarë domethënie ka pasur kjo ndeshje: “Është një ndjenjë e mirë që pas dy vitesh nga aksidenti, Arlindi nuk u harrua – para së gjithash për nënën e saj. Por ne nuk dëshirojmë që ta ngarkojmë ate duke ia përkujtuar gjithnjë këtë rast“, ka deklaruar ai. Arlind Berisha do të mbetet gjithnjë në kujtimet e shumë sportistëve.
Në fund, trajneri i Arlindit, Diamantis Cholevas, ka premtuar se po të fitojë ekipi titullin e kampionit në garat e mëtutjeshme, „medaljen e fituar do t’ia dhurojë së ëmës, Shpresës. Këtë gjithnjë e kam në mendje“, ka përfunduar Diamantis Cholevas.
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Komiteti parlamentar zviceran mbështet planin e ndihmës për Ukrainën Një komitet parlamentar zviceran ka votuar për të mbështetur një kontribut ndihme prej 5 miliardë CHF...
-
Zvicër: Më 2024 priten më shumë zjarre për shkak të ngrohjes globale
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane