11 raste me gripin stinor në Kosovë

Një në gjendje të rëndë shendetësore

Në kuadër të Shërbimit Spitalor dhe Klinik Universitar të Kosovës është formuar konsiliumi, i cili po ndjek gjendjen me gripin stinor.

Pas analizës së bërë nga konsiliumi i mjekëve, konstatohet se në Klinikën Infektive të Qendrës Klinike Universitare të Kosovës (QKUK), nga 1 dhjetori 2019 deri më 15.01.2020, janë konfirmuar 11 raste me gripin stinor (Influenca A).

Prej tyre, një pacient rreth 80 vjeç, i cili kishte edhe probleme të tjera shëndetësore, ka vdekur në muajin dhjetor.

Për momentin në Klinikën Infektive janë të shtrirë për trajtim 4 raste, 3 prej tyre janë në gjendje stabile, ndërsa një rast është në gjendje të rëndë dhe po trajtohet në mjekimin intensiv të klinikës.

---