13 viktima të ortiqeve gjatë këtij dimri

Ilustrim

Tash, kur konsiderohet se dimri ka përfunduar, është bërë edhe bilanci për numrin e të mbyturve nga ortiqet e borës në Alpet e Zvicrës. Siç bën të ditur Instituti për studimin e borës dhe ortiqeve SLF në Davos, ky numër, 13 gjatë këtij sezoni të dimrit, është më i vogël se sa mesatarja e regjistruar për një periudhë të gjatë kohore.

Por, deri më 27 mars, ndërkohë ka pasur edhe 6 viktima të reja, që e rrit numrin në 19.

Megjithatë, krahasuar me mesataren e 20 viteve të fundit, vetëm gjatë stinës së dimrit kalendarik që ka qenë 23 viktima në sezon, edhe kjo shifër është më e ulët, konstaton SFL. Por në periudhën e përmendur, po u llogarit edhe periudha deri në fund të marsit, numri i viktimave të ortekut në Zvicër ka arritur deri në 30.