1300 persona në Kosovë çdo vit janë viktima të dhunës

Drejtueset e qendrave të strehimit e njoftuan kryeministrin me veprimtarinë e tyre në mbrojtje të jetës dhe shëndetit të viktimave të dhunës dhe me vështirësitë me të cilat përballen këto qendra

Kryeministri Haradinaj priti në takim përfaqësuese të strehimoreve për viktimat e dhunës me rastin e Ditës Ndërkombëtare për Eliminimin e Dhunës ndaj Gruas, që shënohet më 25 nëntor.

Në këtë takim, drejtueset e këtyre qendrave e njoftuan kryeministrin me veprimtarinë e tyre në mbrojtje të jetës dhe shëndetit të viktimave të dhunës dhe me vështirësitë me të cilat përballen qendrat e strehimit.

Kryeministri tha se duhet rritur përkujdesja institucionale për të gjitha strehimoret në Kosovë. Në takim, po ashtu u bë e ditur se policia raporton se çdo vit rreth 1300 persona në Kosovë janë viktima të formave të ndryshme të dhunës.

Shënimi i Ditës Ndërkombëtare për Eliminimin e Dhunës ndaj Gruas bën thirrje për veprime globale për të rritur ndërgjegjësimin në mbarë botën për parandalimin dhe eliminimin e dhunës ndaj grave e vajzave.