Lajme

19 viktima dhe 986 raste të reja me COVID-19 në Shqipëri

E shtunë, 27 Shkurt 2021 - 21:40 albinfo.ch

Ministria e Shëndetësisë në Shqipëri njofton se në 24 orët e fundit janë regjistruar 986 raste pozitive me COVID-19.

Sërish është regjistruar një numër i lartë fatalitetesh, ku në 24 orët e fundit janë shënuar 19 humbje jete, duke e çuar numrin e përgjithshëm të viktimave në 1 mijë e 775 që prej fillimit të pandemisë.

Në 24 orët e fundit janë shëruar 962 qytetarë, duke e çuar numrin e të shëruarve 68 mijë e 969 në total, transmeton Tch, përcjell Albinfo.ch.

Aktualisht në spitalet COVID në Tiranë dhe tri spitalet rajonale po trajtohen 647 pacientë, 41 në terapi intensive, nga të cilët nëntë pacientë janë të intubuar.