2 shqiptarë të vdekur në aksidentin në Serbi

Në aksidentin e rëndë zinxhiror janë lënduar mbi 35 veta, ndërsa ka dëme të mëdha të makinave dhe mjeteve transportuese

Autoritetet serbe kanë zbardhur emrin e viktimave që humbën jetën sot në aksidentin e rëndë zinxhiror që ndodhi në autostradën Beograd – Nish, si pasojë e mjegullës së dendur.

Mes shtatë të vdekurve janë edhe dy shtetas të Maqedonisë, që janë shqiptarë Burim D. dhe Lulzim R. të moshës rreth 37 vjet, raporton Agjencia e Lajmeve “INA”.

Në aksidentin e rëndë zinxhiror janë lënduar mbi 35 veta, ndërsa ka dëme të mëdha të makinave dhe mjeteve transportuese, përcjell albinfo.ch.

Aksidenti ndodhi në autostradën Beograd-Nish, në drejtimin mes qyteteve Qupria dhe Jagodina, publikoi “Blici” serb.

Krahas shtetasve të Maqedonisë, sipas shkrimit në “Blic” jetën e kanë humbur edhe pesë shtetas serbë.

Në aksidentin rrugor, sipas informacioneve me të cilat disponon Ministria serbe e Punëve të Brendshme, janë lënduar 27 persona të cilët janë transferuar në spitalin në Jagodinë dhe Qupria.

Në aksident janë përfshirë 34 automjete. Shkak për aksidentin është mjegulla e dendur.

---