2 të vdekur në protestat antiqeveritare në Iran

Si reaksion ndaj protestave që po zhvillohen që nga e enjtja, autoritetet iraniane kanë bërë kufizimin e qasjes në platformat mobile të internetit

Keystone

Në protestat kundër regjimit të mullahëve në Iran, që kanë filluar prej disa ditësh deri tash kanë humbur jetën dy persona.

Si reaksion ndaj protestave kundërqeveritare që po zhvillohen që nga e enjtja, autoritetet iraniane kanë bërë kufizimin e qasjes në platformat mobile të internetit, shkruajnë mediet botërore.

Sipas televizionit shtetëror, ky kufizim prek përdorimin e fjalëve “telegram” dhe shërbimin e fotografive dhe të videove, instagram. Kjo për faktin se, sipas qeverisë, pikërisht përmes këtyre platformave janë organizuar shumë demonstrata në vend.

Njerëzit kanë dalë në rrugë kundër papunësisë dhe rritjes së çmimeve të artikujve ushqimorë. Qeveria i ka gjykuar si ilegale protestat në fjalë dhe ka reaguar me dhunë kundër tyre.

Protestat të cilat po mbahen në së paku 9 qytete, përfshirë këtu dhe kryeqytetin, Teheranin, po shikohen në botë si nismë e një revolucioni të ri në këtë vend, pas atij islamik, të zhvilluar në vitin 1979. Studentët janë më së shumti të përfshirë në këto protesta.