20 Minuten shkruan për terrenin e fushës “Fadil Vokrri”

Sot, përfaqësuesja e Zvicrës do të luajë kundër Kosovës në kualifikueset e Kampionatit Evropian “Gjermani 2024”. Ndeshja do të luhet në stadiumin “Fadil Vokrri”, ku së fundmi fusha ka qenë temë e bisedës.

Mbi 13 mijë tifozë priten të jenë në stadiumin e shitur plotësisht për duelin kualifikues të Kampionatit Evropian ndërmjet Kosovës dhe Zvicrës.

Sipas mediumit zviceran 20 Minuten, para “duelit vëllazëror”, përveç lojtarët të shumtë me dy shtetësi në fushë, është edhe një temë tjetër që është temë bisede në Prishtinë: fusha në stadiumin “Fadil Vokrri”.

Kjo ishte në një gjendje “të shkretë” në ndeshjen e fundit të Kosovës në shtëpi ndaj Rumanisë dhe kjo e shqetësoi edhe trajnerin e Zvicrës, Murat Yakin, i cili kishte treguar në një intervistë për 20 Minuten.

“Fusha në Prishtinë ishte në gjendje shumë të keqe, në ndeshjen në shtëpi kundër Rumanisë. Shpresoj që të luajmë në një fushë të mirë”, ka thënë 48-vjeçari.

FC Prishtina është dashur të largohet

Kështu e panë edhe në Kosovë – dhe reaguan gjatë verës. Për t’u siguruar që fusha të rregullohet për këtë lojë të madhe dhe historike kualifikuese për “Euro 2024” në Prishtinë, në kryeqytet u morën masa drastike.

---