20 viktima dhe 465 raste të reja me koronavirus në Maqedoni

KEYSTONE/EPA/GEORGI LICOVSKI

Ministria e Shëndetësisë së Maqedonisë së Veriutr njofton se në 24 orët e kaluara janë kryer 1.707 teste, ndërsa janë regjistruar 465 raste të reja me koronavirus.

Nga rastet e reja 92 janë riinfektime.

Instituti për Shëndet Publik sot ka regjistruar 1.880 pacientë të shëruar nga koronavirusi.

Në 24 orët e kaluara janë regjistruar 20 viktima nga koronavirusi. 6 persona të vdekur nga Shkupi (70, 71, 75, 80, 83 dhe 95), dy të vdekur nga Koçani (60 dhe 75), Negotina (78 dhe 88), Prilepi (72 dhe 77) dhe nga një i vdekur nga Velesi (78), Kërçovë (66), Kumanovë (83), Ohër (93), Sveti Nikollë (80), Strugë (80), Strumicë (76) dhe Shtip (68).

Numri i përgjithshëm i personave të diagnostikuar me COVID-19 në vendin tonë që nga fillimi i epidemisë është 287.481, numri i të shëruarve është 269.014, numri i të vdekurve është 8.768, ndërsa numri i rasteve aktive është 9.699.