3 shkencëtarë ndajnë Çmimin Nobel për fizikë

Puna e treshes së shkencëtarëve mund të hapë rrugë për një brez të ri kompjuterësh të fuqishëm

Alain Aspect, John F. Clauser dhe Anton Zeilinger kanë fituar Çmimin Nobel në fizikë për vitin 2022, për arritjet e tyre në mekanikën kuantike. Sipas njoftimit të Komitetit organizativ, ata fituan “për eksperimentimin me fotonet e ndërthurura”.

Mekanika kuantike është shkenca që përshkruan natyrën në shkallën më të vogël të saj. Puna e treshes së shkencëtarëve mund të hapë rrugë për një brez të ri kompjuterësh të fuqishëm dhe sisteme komunikimi në distancë, të cilat është e pamundur të thyhen nga hakerët, transmeton cnn, përcjell Albinfo.ch.

Francezi Aspect, amerikani Clauser dhe austriaku Zeilinger, kanë shtjelluar më tej punën e nisur nga John Stewart Bell, teoremat e të cilit ndryshuan kuptimin e mekanikës kuantike në botën shkencore. Të tre shkencëtarët do të ndajnë shpërblimin prej 1 milion dollarësh.

 

 

---