5 vjet burg për mësuesin që ka kryer veprime seksuale me vajzën 13 vjeçare

I akuzuari ka pranuar se ka pasur veprime seksuale me vajzën. Por, mbrojtja e tij ka vënë në pah faktin se viktima i ka miratuar këto veprime dhe nuk është ushtruar dhunë nga ana e të akuzuarit

Një ish mësues 26 vjeçar është dënuar të enjten nga Gjykata e Qarkut në Lenzburg (Aargau) me 5 vjet heqje lirie dhe me mos ushtrim të profesionit për gjithë jetën. Ai, dy vite më parë e kishte detyruar një vajzë 13 vjeçe për të bërë me të seks sadomazohist, raporton televizioni regjional “Tele M1”.

“Mësuesi në fjalë ka shfrytëzuar në mënyrë të paturpshme gjendjen e ndjeshme të vajzës”, ka thënë prokurorja e rastit, transmeton albinfo.ch. Fjala është për një adoleshente e cila përcillej nga mendimet për vetëvrasje të cilën ish mësuesi e kishte njohur përmes internetit dhe e kishte bindur të takoheshin. Ai e kishte lidhur pastaj vajzën për një dru në pyll dhe e ksihte detyruar të bënte seks oral. Gjatë kësaj kohe ajo ishte detyruar ta thërriste atë “mjeshtër”.

I akuzuari ka pranuar se ka pasur veprime seksuale me vajzën. Por, mbrojtja e tij ka vënë në pah faktin se viktima i ka miratuar këto veprime dhe nuk është ushtruar dhunë nga ana e të akuzuarit.

Mirëpo, gjyqi nuk e ka pranuar këtë argumentim dhe e ka dënuar të akuzuarin për veprime të shumëfishta seksuale me një fëmijë dhe për detyrim, përcjell albinfo.ch. Kështu, ish mësuesit, krahas dënimit me burg, i është shqiptuar edhe masa e ndalimit të ushtrimit të profesionit për gjithë jetën dhe një dënim me të holla prej 13 mijë frangash që ai duhet t`ia paguajë viktimës si zhdëmtim. Po ashtu, gjykata ka vendosur ndaj tij edhe një masë të terapisë ambulantore.