Lajme
57% votojnë që policia në Cyrih të tregojë nacionalitetin e delikuentëve
Shtetësia duhet të përmendet në raportet e policisë por jo edhe prejardhja migruese e atyre që janë arrestuar ose paditur, siç e kishte kërkuar SVP-ja
Emërtimi i përkatësisë nacionale në raportet e policisë, ka qenë iniciativa e radhës që duhej të votohej sot në Kantonin e Cyrihut, raporton srf.ch.
Sipas ekstrapolimit të fundit, rreth 57 për qind e elektoratit e miratojnë kundër-propozimin e bërë nga Këshilli Kantonal, transmeton albinfo.ch. Sipas tij, shtetësia duhet të përmendet në raportet e policisë por jo edhe prejardhja migruese e atyre që janë arrestuar ose paditur, siç e kishte kërkuar SVP-ja.
Në iniciativën e saj “Të jepet kombësia kur raportohet në polici”, SVP pra kishte kërkuar diçka që për shumicën në Qeverinë e Kantonit, megjithatë, shkonte shumë larg. Për këtë arsye, këshilli kishte përpiluar kundër-propozim, si kompromis.
Ky është kundër-propozimi që tani është pranuar. Me këtë ndryshim, Policia e ytetit të Cyrihut duhet të ndryshojë përsëri praktikën e saj, transmeton albinfo.ch. Prej dy vitesh, ajo nuk e publikonte kombësinë e delinkuentëve përveç kur kjo i kërkohej shprehimisht. Ndërsa Policia e kantonit tashmë po e bënte njoftimin e përkatësisë, kështu që për të nuk do të ndryshojë asgjë.
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe