130 mijë euro gjenden në lumin Danub në Vjenë, askush nuk lajmërohet

Dy studentë të moshës 20 dhe 22 vjeç, derisa kalonin pranë lumit të Danubit në Vjenë shohin kartëmonedha duke lundruar mbi ujë. Njëri prej tyre menjëherë futet në ujë për të “peshkuar”. Kartëmonedhat ishin të gjitha të vlerës 500 euro dhe 100 euro.
Shumat të cilat i ka nxjerrë studenti bashkë me shokun e tij ishin 130 mijë euro. Për këto para, ata thërrasin policinë. Fillimisht u mendua se bëhej fjalë për para të falsifikuara, por më pas u konstatua se ishin të vërteta.

Ndërkohë policia austriake që prej pesë ditësh është në kërkim të pronarëve të parave, por deri tash askush nuk është lajmëruar. Autoritetet austriake dyshojnë se këtu ka të bëjë më shpërlaje parash dhe pronarët e këtyre parave mund të jenë nga Ballkani.

Sipas mediave austriake, në rast se konstatohet se paratë nuk kanë ndonjë prejardhje të dyshimtë, atëherë personat, të cilët gjetën paratë, mund të ndajnë mes vete gjithë shumën prej 130 mijë eurosh.
Albinfo.ch