SHKSHZ mban «Takimet e Dhjetorit»

Shoqata e Krijuesve Shqiptarë në Zvicër, me rastin e festave të fundvitit, organizon një takim të gjerë me anëtarët e vet të të gjithave profileve krijuese: Takimet e Dhjetorit. Ky manifestim do të jetë tradicional, me synimin që në të ardhmen të ketë një program që përkon me shënimin e rezultateve të punës njëvjeçare, duke dhënë edhe çmime e mirënjohje përkatëse. Në Takimet e sivjetme të Dhjetorit, që do të mbahen më 20.12.2015 nga ora 15:00 në Qendrën Kulturore Shqiptare në Zürich dhe në bashkëpunim me të, do të hapet një ekspozitë e arteve pamore, do të ketë lexime letrare, interpretime artistike, pjesë muzikore nga anëtarët e shoqatës dhe diskutime e debate të hapura.

Lusim të gjithë krijuesit të konfirmojnë pjesëmarrjen në këto Takime në telefonat: +41 79 542 90 63 ose +41 78 617 29 61.

Adresa: Eugen Huber Strasse 19 A, 8048 Zürich. Po ashtu ftojmë të marrin pjesë të gjithë të interesuarit, të cilët do ta bëjnë më madhështor këtë manifestim kulturor-artistik. Në fund do të shtrohet një Apèro. Ju mirëpresim!