70% të zviceranëve janë religjiozë

Rreth 70 për qind e zviceranëve besojnë në zotin por më shumë se gjysma nuk e besojnë formulimin që e shpall Jezu Krishtin të birin e perëndisë

Siç e tregon një sondazh reprezentativ i realizuar nga revista «Schweizer Illustrierte», për zviceranët më shumë rëndësi kanë dhuratat nën bredhin e Krishtlindjes se sa sfondi religjioz i festës. Vetëm për 18 për qind të të anketuarve, Krishtlindja është përkujtim i lindjes së Jezuit ndërsa për shumicën, ajo është, thjesht, një festë familjare. R

Megjithatë, një shumicë e konsiderueshme e zviceranëve besojnë në zot ose e konsiderojnë veten religjiozë. 70% e të anketuarve janë shprehur se janë besimtarë/e, transmeton albinfo.ch. Ndër femrat, kjo përqindje është më e lartë (74%) ndërsa te meshkujt 65%.

Por, ndonëse 70 për qind e tyre besojnë në zotin por më shumë se gjysma nuk e besojnë formulimin që e shpall Jezu Krishtin të birin e perëndisë.

Në meshën e Krishtlindjes shkojnë 39 për qind e zvceranëve, rezulton nga ky sondazh. Ndërsa këtu kemi një dallim ë madh në mes të mashkujve dhe femrave. Ndërkohë që vetëm 28 për qind e tyre e ndjekin këtë meshë, janë afër 50% e femrave që e bëjnë po këtë gjë.

Mbi 70 për qind e zviceranëve, siç del nga sondazhi i përmendur, janë të mendimit se historia e Krishtlindjes duhet të mësohet në shkollë.

Sondazhi sjell po ashtu përfundimin se afër gjysma e zviceranëve bëjnë lutje fetare se paku një herë në javë, püercjell albinfo.ch. Arsyet për këtë komunikim me perëndinë, thonë ata, lidhen me brengat për familjen, miqtë dhe për shëndetin e tyre personal.