Xhaka njëherë mbetet në Gladbach, për më vonë nuk dihet!

Granit Xhaka do të vazhdojë të luajë, pothuajse me siguri të plotë edhe në sezonin pranveror për Borussia Mönchengladbach-un. Por, se çfarë do të ndodhë pas kësaj, nuk mund ta thotë tash për tash askush.
Max Eberl, drejtor sportiv i klubit gjerman ku luan Granit nuk e përjashton as shitjen e lojtarit me rrënjë kosovare për ndonjë klub tjetër.
“Unë e di se ai në asnjë mënyrë nuk do ta braktisë tash Gladbach-un. Për këtë mund të ndikoj edhe unë. Por unë  nuk e di se çfarë mund të ndodhë gjatë verës. Sot në futboll është bërë e vështirë të japësh prognoza”, ka thënë Eberl për televizionin WDR2, transmeton albinfo.ch.
Ndërsa lidhur me çmimin e kompensimit për Xhakën në rast se ai vendosë të shkojë, Eberle nuk vendos ndonjë kufi: “Nuk kam ndonjë shifër”, thotë ai.
Granit Xhakës, kontrata me Borussia Mönchengladbach i përfundon në vitin 2019.