Austria do të japë vetëm azil «me kohë të caktuar»

Pas kalimit të afatit trevjeçar, do të rishikohet nëse vazhdojnë të ekzistojnë shkaqet për të cilat personit të caktuar i është njohur azili

Në kuadrin e masave për ashpërsimin e qasjes ndaj azilkërkuesve, Austria po shqyrton mundësinë që në të ardhmen dhënia e azilit të kufizohet në kohë. Propozimi i prezantuar si projektligj është që azili të jepet për një afat prej ti vitesh, bëhet e ditur nga Qeveria e Austrisë. Pas kalimit të këtij afati do të rishikohet nëse vazhdojnë të ekzistojnë shkaqet për të cilat personit të caktuar i është njohur azili.

Ligji përkatës duhet të miratohet nga parlamenti.

Po ky parlament pak kohë më parë pati vendosur që në vitin që po rrjedh të mos pranohen më shumë se 37500 azilkërkues në Austri.

Modeli i ri i ashtuqajtur «azil me kohë të caktuar»do të jetë një ndihmesë që të mos tejkalohet numri i përmendur.

Deri tash, ashgtu si dhe në vendet tjera, azili në Austri është dhënë pa kufizim kohor, gjegjësisht ka qenë «i përjetshëm».