Hekuran Kryeziu ripërtërin kontratën me FC Luzernin

Mesfushori i talentuar i FC Luzern, Hekuran Kryeziu, ka ripërtërirë kontratën me këtë skuadër deri më 2018.

Kryeziu i formuar në FC Luzern  debutoi  në fanellën  e ekipit të parë  më 2010.

Edhe pse  akoma i njomë  dhe në konkurrencë  tejet të fortë  ai të shumtën e herëve ka qenë pjesë  e njëmbëdhjetëshit   të kësaj skuadre.

Bazuar në raportet  miqësore të FC Luzen me FC Vaduz, vitin e kaluar është realizuar marrëveshja që Kryeziu të qëndrojë në formë huazimi  për një kohë të shkurtër tek FC Vaduz i Principatës së Lishtenshtajnit, shkruan albinfo.ch.

Falë lojës së shkëlqyer dhe kontributit  të dhënë  të Kryeziut, kjo ekip edhe pse e gjendur në vështirësi  edhe sivjet po  zhvillon gara në kuadër të Super Ligës zvicerane.

Kryeziu shtatlartë e mjaft i shkathët  papritur FC. Luzern-it, i është  imponuar si i domosdoshëm.

Udhëheqja e FC Luzern e ka rikthyer Kryeziun , në radhët e veta dhe menjëherë e ka angazhuar në repartin e sulmit.

Kryeziu i njohur si lidhës i shkëlqyer i lojës dhe si futbollistë që di  çdo moment  t’u krijojë raste shënimi bashkëlojtarëve  gjatë stinorit vjeshtor ka qenë njëri prej lojtarëve më të mirë të FC.Luzern.

Pikërisht  kjo ka  ndikuar që kryesia e këtij klubi ta mbajë edhe më tutje Kryeziun si vlerë të vetën .

Nuk duhet harruar që Hekuran Kryeziu është edhe lojtar aktiv i seleksionit të Kosovës.