Njëherë i dëbuar, Artjoni kthehet në Gjermani me vizë pune!

Ditën kur ai ka aterruar me aeroplan, menaxheri gjeneral, Müller e ka pritur atë personalisht në aeroport. «Atij i pikuan lot gëzimi dhe lehtësimi, sapo më pa mua», thotë ai

Tre muaj më parë Artjoni ishte detyruar të lëshonte Gjermaninë, pasi që si refugjat ekonomik i ishte refuzuar kërkesa për azil. Mirëpo në kohën sa kishte qëndruar në Gjermani, ai kishte ndjekur një kualifkim për punë në rrjetin e njohur të hoteleve Radisson Blue, në Karlsruhe-Ettingen, shkruan ahgz.de.

Pasi që zakonisht mungojnë kandidatët për kualifikim në këtë degë ndërsa Artjon Coci kishte treguar rezultate të mira gjatë kualifikimit, menaxheri gjeneral Hagen Müller kishte bërë të gjitha përpjekjet për ta kthyer të riun në Gjermani, transmeton albinfo.ch. Dhe kësaj ia ka dalë me sukses.

Artjoni ështe kthyer këto ditë nga Shqipëria, por tash me vizë të rregullt pune.

Ditën kur ai ka aterruar me aeroplan, Müller ka shkuar ta presë atë personalisht në aeroportin e Frankfurtit. «Atij i pikuan lot gëzimi dhe lehtësimi, sapo më pa mua», thotë Müller.

Dhe, i sapokthyeri ka filluar që ditën e nesërme vazhdimin e kualifkimit të ndërprerë në hotel.

«Përvoja ime më mëson se nuk të çon askund zemërimi me proceduren e vështirë që duhet ndjekur për integrimin e azilkërkuesve», shton Müller, përcjell albinfo.ch. Ajo që të çon drejt cakut të dëshiruar është të shfrytëzosh mundësitë ekzistuese dhe të kalosh nëpër rrugët e parapara me ligj», thotë ai.