Shumë më pak religjiozë në Zvicër

Pothuajse një në katër banorë në Zvicër nuk i takojnë ndonjë besimi fetar. 1.57 milionë nuk kanë asnjë religjion, sipas Zyrës Federale të Statistikave, shkruan Blick, përcjell albinfo.ch. Në vitin 2000 ishin vetëm 670 mijë jobesimtarë. Shumica e tyre jetojnë në kantonin Basel-Stadt, ku ata përbëjnë pothuajse gjysmën e popullsisë, me 45 për qind. Pastaj vjen Neuchâtel (42%) dhe Gjeneva (37%).

Jo pak ishte rënia në mesin e katolikëve, me më shumë se 4 për qind. E disa kantone mbeten fortesa katolike, sidomos Uri (80%), Appenzell dhe Wallis (të dyja 74%).

Komuniteti hebre në gjithë vendin përbën vetëm 0.2 për qind të popullsisë, myslimanët të paktën 5 për qind.

Kjo është 1.5 për qind më shumë se në vitin 2000.

Numri i myslimanëve është katërfishuar në këtë periudhë.