Bota
Tetë të vdekur në aksidentin hekurudhor në Bavari
Një aksident i rëndë, ka ndodhur sot reth orës 7 tüe mengjesit në Bad Aibling të Bavarisë. Në ndeshjen e dy trenave kanë humbur jetën së paku tetë persona
Policia njofton se deri në mesditë janë nxjerrë 8 viktima nga rrënojat e dy trenave mjaft të shkatërruar. Numri i viktimave me gjasë mund të rritet. Rreth 100 pasagjerë janë plagosur nga përplasja e dy trenave të transportit rajonal, 90 prej tyre me lëndime të lehta dhe 10 të plagosur rëndë, shkruan deutschewelle.de.
“Është një nga fatkeqësitë më të rënda hekurudhore të kohëve të fundit në Gjermani dhe veçanërisht në Bavari”, ka thënë Ministri i Brendshëm i Bavarisë, Joachim Hermann. “Ende nuk e dimë nëse ka viktima të tjera në vagonët që kanë ngecur tek njëri-tjetri. Kjo është e tmerrshme.” Hermann sheh si parësore kujdesin e nxjerrjen e të lënduarve nga trenat. Megjithëse ende nuk dihet saktë shkaku i aksidentit ministri Hermann ka thënë se “çfarë nuk është komunikuar si duhet mes stacioneve startuese nga ku kanë ardhur trenat – kjo mbetet të hetohet tnai me kujdes”.
Sipas të dhënave të “Deutsche Bahn” hekurudhës gjermane të dy trenat “Meridian” u aksidentuan në itinerarin njëshinësh. Aksidenti ka ndodhur rreth orës 7 të mëngjesit, kohë kur shumë të punësuar përdorin trenin për në vendin e punës. Për fat nuk ka pasur asnjë nxënës, pasi në Bavari aktualisht fëmijët ndodhen me pushime. Një tren doli si pasojë nga shinat, disa vagonë u rrëzuan. Këta trena rajonalë i përkasin firmës franceze të transportit hekurudhor, Transdev. Nën emrin “Meridian” ata përshkojnë linjë Mynih-Rosenheim. Ndërkohë edhe landi austriak i Tirolit po i ofron Bavarisë trupa shpëtimi dhe helikopterë të ndihmës së shpejtë.
Të tjera nga Bota
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse