Belgjika rikthen kontrollet kufitare

Belgjika u është bashkuar vendeve të tjera të BE-së, duke kthyer kontrollet në pikat kufitare. Në kufirin me Francën Belgjika ka dërguar afro 300 policë, dhe kjo konsiderohet si një tjetër goditje për shtetet e Bashkimit Evropian, në një kohë kur unionit po i kërcënohet lëvizja e lirë pa viza.

Vendimi i qeverisë belge erdhi pas shkatërrimit të kampit të Kales që ndodhet në veri të Francës. Në qendrën e azilkërkuesve në Kale ishin vendosur të paktën 3.000 emigrantë dhe autoritetet belge druhen se prishja e instalacioneve të ngritura nga azilkërkuesit mund të sillte një valë të re refugjatësh që mund të udhëtonin drejt Belgjikës.

Belgjika është vendi i shtatë i BE-së që rikthen kontrollet kufitare për shkak të krizës së refugjatëve.