“Kujdes, turqit po vijnë!”

Me marrëveshjen e planifikuar për refugjatë me Turqinë, Ankaraja kishte kërkuar në këmbim lirinë e udhëtimit për qytetarët e saj në zonën Shengen nga mesi i vitit.

Çfarë do të ndryshojë për turqit dhe evropianët, në qoftë se kërkesa e shumëpritur për heqjen e vizave do të aprovohet?

Duke filluar në fund të qershorit, siç njoftoi kryeministri turk, Ahmet Davutoglu, qytetarët e vendit të tij pas samitit të fundit të BE-së në Bruksel mund të udhëtojnë pa viza në zonën Shengen.

72 kushte duhet të plotësohen për liberalizimin e vizave të vendit kandidat për në BE. Nga detajet teknike, të tilla si shenjat e gishtave mbi pasaportat turke si dhe duhet të bashkëpunojnë me fqinjët problematikë, si Bullgaria apo edhe Qipro.

“Në disa nga 72 kushtet e BE-së është fjala për çështje të tilla, si lufta kundër korrupsionit dhe krimit të organizuar. Fusha, në të cilat njerëzit hasin në problemet më të mëdha të brendshme këtu. Çdokush që e njeh Turqinë, e di që këto nuk mund të zgjidhen për tre muaj”, tha për SRF politologu Cengiz Aktar

Edhe në qoftë se liria e lëvizjes do të ndodhë një ditë, evropianët nuk do të duhet të kenë frikë, thotë Alper Eçevit, profesor i marrëdhënieve me BE-në në Universitetin Bahcesehir të Stambollit.