Refugjatët mbërrijnë në qytetin kufitar me Shqipërinë

Zhvendosën grupe të reja refugjatësh nga Porti i Pireut drejt Janinës, qytetit kufitar me Shqipërinë.

AP Photo/Vadim Ghirda

Mëngjesin e së premtes pesë autobusë me refugjatë, katër prej të cilëve me shtetas sirianë dhe njëri me shtetas afganë, u vendosën në Kampin e Filipiadhës, në periferi të Janinës.

Kampi ndodhet  123 km nga kufiri shqiptar dhe në të mund të  strehohen deri në 700 refugjatë, raportojë mediat në Tiranë.

Autoritete greke thanë se do të vijojnë zhvendosjen e grupeve të refugjatëve edhe në dy kampe të tjera të cilat janë përgatitur gjatë këtyre ditëve në Veri të Greqisë.

Njëri prej këtyre kampeve është në zonën e Pogonit, 25 km nga pika kufitare e Kakavijës me Shqipërinë.

Në këtë strehë  pritet të mbërrijnë rreth 200 refugjatë, aq sa është  edhe kapaciteti i godinës, që ka shërbyer më parë si një konvikt nxënësish.

Sic raporton VOA, aampi i tretë po përgatitet në pistën e ish aeroportit ushtarak të Janinës. Autoritete greke zhvendosën një javë më parë  162 refugjatë sirianë nga Pireu në qytezën e Konicës, pranë kufirit me Shqipërinë.

Refugjatët u thanë mediave shqiptare se synonin të kalonin drejt Gjermanisë dhe vendeve të tjera europiane.

Autoritetet shqiptare janë shprehur kundër përdorimit të territorit të vendit si kalim transit derisa nuk ka një tjetër portë dalëse që do të lejonte udhëtimin e refugjatëve drejt shteteve të Europës Qëndrore, të cilat janë dhe destinacioni i synuar i tyre.