Qeveria kundër “zonave ambientale”

Sipas kundërshtarëve, përfitimi nga ky projekt do të ishte më i vogël se sa shpenzimet që do të lidheshin me të

Këshilli Federal ka hedhur poshtë projektin për „zonat ambientale” që ishte menduar të rregulloheshin nëpër qytetet zvicerane. Në këto zona, sipas projektit, do të lejoheshin vetëm automjetet që lirojnë më pak gazra të dëmshme.

Si arsyetim për refuzimin e projektit, Enti Federal për Rrugët ka paraqitur rezultatin negativ të anketës së bërë mbi këtë temë me partitë, shoqatat, kantonet dhe qytetet.

Kanë qenë 3700 subjekte që janë shprehur kundër zonave të tilla, bën të ditur 20 Minuten. Në veçanti kantonet, të cilat do të ngarkoheshin me zbatimin e projektit, janë shprehur kundër. Sipas tyre, përfitimi nga ky projekt do të ishte më i vogël se sa shpenzimet që do të lidheshin me të.