Në Kosovë e Shqipëri, 1500 persona me Down Syndrome

Në Kosovë janë 870 persona të prekur me Down Syndrome, ndërsa në Shqipëri jetojnë rreth 684 individë me këtë sindromë. Shërbimi për këta personat ende mbetet sfidë

Rreth 1500 persona janë të prekur nga sindromi Down në Shqipëri e Kosovë, ndërsa shërbimi për këta personat ende mbetet sfidë në të dy shtetet. Kështu u tha sot në shënimin e Ditës Ndërkombëtare të të prekurve me Down Syndrome, me moton “Më përkrah sot, që nesër të jem i pavarur”.

Në Kosovë shënimi i kësaj dite po bëhet edhe nga shoqata Down Syndrome Kosova (DSK), ku në Teatrin Kombëtar u shfaq një film i shkurtër dokumentar, i cili paraqet aktivitetet dhe punën e kësaj shoqate dhe të prekurve nga ky sindrom, të cilët janë pjesë e kësaj shoqate.

Sebahate Hajdini-Beqiri është drejtoreshë e shoqatës Down Syndrome Kosova. Ajo u bëri thirrje institucioneve dhe shoqërisë për më shumë kujdes për këtë kategori.

“Që nga themelimi e deri më sot jemi përkushtuar për jetë të pavarur për personat e prekur me Down Syndrome. Për ne ende mbetet sfidë shërbimi për personat me Down Syndrome. Ne sot bëjmë thirrje te institucionet dhe shoqëria për mundësi për komunitetin e Down Syndrome të cilat janë të garantuara me Kushtetutë”, tha Hajdini-Beqiri, citon KP.

Ndërsa zëvendësministrja e Punës dhe Mirëqenies Sociale, Rita Hajzeraj përmendi se në Kosovë janë 870 persona të prekur me Down Syndrome, duke shtuar se në kuadër të skemave të kësaj Ministrie familjet e këtyre personave për çdo muaj ndihmohen me nga 100 euro.

Edhe në Shqipëri është shënuar 21 marsi Dita Botërore të Sindromës Down me moton: “Miqtë e mi, komuniteti im”- është slogani i fushatës së këtij 21 Marsi.

Të dhënat tregojnë se në nivel global 1 në 800 lindje të gjalla rezulton me sindromën Down. Në Shqipëri jetojnë rreth 684 individë me sindromën Down