Kosovë, fillojnë temperaturat verore

Sipas meteorologëve kosovarë, deri në fund të kësaj javës temperaturat do të shkojnë deri 22 gradë celsius, duke shënuar kthimin e kohës verore me shumë diell

Foto ilustrim

Nga dita e sotme, meteorologët kanë parashikuar ngritjen e temperaturave në Kosovë dhe rajon, duke shkuar mbi 20 gradë celsius. Sipas tyre, fundjava ishte me e ftohta ku  temperaturat ranë deri në zero grandë, ndërsa kjo javë shënon ngritjen e temperaturave edhe pse parashikohet reshje lokale shiu.

Profesori i Meterogjisë Sylë Tahirsylaj, ka thënë për lajmi.net. se Kosova do të jetë nën ndikimin e masave të ajrit mesatar, ku pritet të mbretërojë mot me intervale kohore më të gjata me diell si dhe temperatura më të larta gjatë kësaj periudhe kohore. “Do të jetë një mot i mirë dhe shumë i pranueshëm për florën dhe faunën”, tha ai.

Nga fundi i javës, sipas tij, pritet të ketë reshje shiu por jo të integritet të lartë, janë vlera mesatare dhe deri në fund të javës do të shkoj deri 22 gradë celsius maksimalja, do të ketë diell më të fortë.

Tash kur po shkojmë drejtë stinës së verës, profesori Tahirsylaj, tha se temperaturat gjatë stinës së nxehtë, nuk do të jenë edhe aq të larta sa për të qenë të papërbasllueshme.

“Vera do të jetë me vlera mesatare, nuk do të jetë një verë ekstreme meqenëse, ky është një vit i brishtë dhe nuk priten temperatura të larta klimatologjike mbi vendin tonë, por verë e ngrohtë dhe e përballueshme”, deklaroi ai.