I hiqet imuniteti politikanit Hainard

Në pranverën e vitit të kaluar Hainard ishte akuzuar për keqpërdorim të detyrës dhe, në gusht kishte dhënë dorëheqje

Me 79 vota për dhe vetëm 6 kundër, Këshilli i Madh (parlamenti) i kantonit të Neuchatelit i ka marrë imunitetin ish qeveritarit kantonal nga partia FDP, Frederic Hainard.

Këshilli i Madh duke hedhur në votim imunitetin e ish qeveritarit kishte zbatuar rekomandimin e komisionit të krijuar enkas për këtë rast.

Në pranverën e vitit të kaluar Hainard ishte akuzuar për keqpërdorim të detyrës, ndërsa në muajin gusht, kishte dhënë dorëheqjen.

Akuzat i kishin ardhur nga avokatët e një shfrytëzueseje të ndihmave sociale. Siç bën të ditur tagesschau.ch., ai po ashtu ishte akuzuar se kishte ndërmjetësuar për t`i ofruar pa të drejtë një vend pune mikeshës së tij.

I mbetur pa imunitet, Hainard tash do t`i nënshtrohet hetimeve penale nga prokuroria kompetente.