Shaqiri, lojtari i muajit mars në Stoke

Edhe pse nuk ishte në formën ideale, Xherdan Shaqiri është zgjedhur lojtari i muajit mars te Stoke, shkruan “shoot.co.uk”, përcjell albinfo. Ai shënoi

golin fitues në duel me Newcastle United.

24-vjeçari i ardhur nga Interi gjatë verës shënoi më 2 mars ndaj Newcastles, të vetmin gol në këtë ndeshje, derisa Stoke kishte vetëm dy fitore gjatë muajit të kaluar.

Shaqiri ka tre gola në Premierligë dhe pesë asistime, dhe po përshtatet mjaft mirë në skuadrën angleze. Pas fitores ndaj Newcastles, Shaqiri tregoi edhe lojë shumë të mirë kundër Chelseat në takimin pasues në “Stamford Bridge”. Më pas u lëndua, derisa pritet të rikthehet në duel me Liverpoolin, takim që zhvillohet të dielën.