Shqiptarët në krye të listës së atyre që braktisin Gjermaninë vullnetarisht

Numri më i madh i atyre që kthehen janë nga Ballkani. Të parët janë nga Shqipëria. Pas tyre vijnë azilkërkuesit, shtetas të Serbisë, ata të Kosovës dhe të Maqedonisë

Numri i azilkërkuesve që kthehen vullnetarisht nga Gjermania në vendet e tyre po vjen vazhdimisht dukje u rritur. Vetëm gjatë tre muajve të parë të këtij viti Gjermaninë e kanë braktisur 14.100 azilkërkues me vendim negativ të azilit. Siç bën të ditur Zyra Federale për Migracion dhe Refugjatë (BAMF), ky numër është më shumë se tre fish më i madh se ai i periudhës së njëjtë të një viti më parë.

Është me interes të theksohet se numri më i madh i atyre që kthehen janë nga Ballkani. Të parët janë nga Shqipëria, transemton albinfo.ch. Pas tyre vijnë azilkërkuesit, shtetas të Serbisë, ata të Kosovës dhe të Maqedonisë. Pas tyre vijnë shtetasit e Irakut dhe të Afganistanit.

Gjatë gjithë vitit 2015 Gjermaninë e kanë lëshuar vullnetarisht 37.220 azilkërkues. Po ashtu shumica e madhe  e atyre që janë kthyer gjatë vitit 2015 janë ballkanas gjegjësisht shtetas të gjashte vendeve të këtij regjioni.