Xhaka shpreson t’ia prishë festën Bayernit

Bayerni i Munichut është afër të fitojë titullin e kampionit. Bavazerët kanë dominuar edhe në këtë kampionat, derisa në fundjavë e pret Borussia Monchengladbachun e Granit Xhakës, dhe fitorja do të thoshte festë.

Por, mesfushori kosovar ka thënë se nuk dëshirojnë që Bayerni të festojë titullin pikërisht në këtë ndeshje. “Bayerni me siguri nuk do të na nënvlerësojë ne. Ne jemi vetëm një pikë larg Herthas që ndodhet në vendin e katërt, prandaj ne ende mund ta rimarrim vendin e katërt. Unë dua të shoh një Munich pa festën e titullit në Bavari”, u shpreh Xhaka për ‘Express.de’, përcjell albinfo.ch.

Xhaka ka folur edhe rreth zërave për largimin e tij nga Borussia.

“Gjendja aktuale është se unë nuk po e braktis Borussia-n. Por, ka zëra. Nëse vjen diçka, atëherë më duhet ta shikoj. Megjithatë unë jam shumë i lumtur këtu”, ka thënë kapiteni i Monchengladbachut.