Integrimi
“Dita Kosovare” në Festën e Kulturave në Aesch (BL)
Dita kosovare që mbahet më 1 maj fillon nga ora 10 dhe përfundon në orën 17
Manifestimin i sivjetmë multikulturor “Fest der Kulturen” që mbahet më 1 maj në Aesch të kantonit Baselland, një ditë të tërë ia kushton Kosovës, gjegjësisht kulturës shqiptare. Ndërsa në mbrëmjen paraprijëse të festivalit, më 30 prill do të shfaqet një film dokumentar i titulluar “Kosova”.
Dita kosovare fillon nga ora 10 dhe përfundon në orën 17. Brenda kësaj kohe janë paraparë një numër aktivitetesh që pretendojnë të përfshijnë sa më shumë nga kultura por edhe historia e Kosovës.
Fillimisht Shkolla e Vallëzimit Shqiptar “Shota” në Zvicër jep një program me valle popullore shqiptare, shkruan albinfo.ch, duke iu referuar njoftimit të organizatorit. Ndërsa po gjatë kësaj kohe do të qëndrojë e hapur ekspozita me punime artistike e Agron Bajramit dhe Arsim Berishës.
Në orën 11.15 aktivisti i njohur shqiptar dhe gazetari Ibish Neziri mban një ligjëratë me titullin “Rrënjët e Kosovës në historinë shqiptare”. Një ligjëratë tjetër, duke filluar nga ora 11.45 do ta mbajë Sefadir Blakaj, docent në Universitetin e Prishtinës. Ndërsa një ligjëratë mbi luftën në Kosovë do ta mbajë Adem Blakaj. Do të ketë edhe debat mbi aktualitetin kosovar.
Në programin e pasdites është paraparë një workshop (punëtori) e vallëzimit, njofton albinfo.ch. Në këtë kuadër do të interpretohen dhe ushtrohen valle folklorike nga Kosova. Shkolla e Vallëzimit Shqiptar “Shota” është mbrapa këtij programi.
Gjatë ditës do të ketë edhe program tjetër muzikor shqiptar, gjegjësisht me muzikë të lehtë do të paraqiten të rinjtë Floris dhe Patrik Zejnullahu. Po ashtu “Shota” do të ketë edhe disa paraqitje. Ndërsa në stendat e festës do të ketë ushqime nga kuzhina popullore shqiptare, si në “restorantin kosovar” ku do të ofrohen specialitete dhe kafe kosovare.
Manifestimi mbahet në ambientet e brendshme dhe të jashtme të shkollës Rudolf Steiner Schule, Birseck.
E-Diaspora
-
Jetullah Haliti-Eti hap ekspozitë të arteve pamore në Sion Titulli i kësaj ekspozite tematike është "Kur flet arti, nderohet kombi dhe atdheu"...
-
VLEN shpall fitoren e quajtur ‘Ndryshimi’, falënderon diasporën
-
Shqiptari i vë flakën vetes në Itali, në sy të gruas së tij
-
Mërgimtarët hasin në probleme gjatë regjistrimit të popullsisë, ReKos 2024
-
Njoftim për diasporën: Vetëm edhe 10 ditë për regjistrimin e popullsisë, ReKos 2024
Jeta në Zvicër
-
Forumi i Gjenevës bashkoi një numër të madh ndërmarrësish shqiptarë e zviceranë Forumi shqiptaro-zviceran (Real Estate, investime dhe financa), i mbajtur të premten (19.04.2024) në Centre de l’Espérance/8...
-
Qeveria planifikon ndihma për banim edhe për pensionistët e invaliditetit
-
Këshilli Federal dëshiron të lehtësojë barrën mbi personelin infermieror, më pak orë pune
-
150 vdekje në klinikën e zemrës, nisin hetimet nga Spitali Universitar i Cyrihut
-
Këshilli Federal dëshiron të rrisë kuotën e punësimit për refugjatët ukrainas