Lidhjet e Novartis me dënimet me vdekje në SHBA

Autoritetet amerikane kanë blerë 525 gramë Thiopental, sasi kjo e mjaftueshme për futjen nën narkozë të 100 njerëzve para ekzekutimit

Kompania „Sandoz GmbH” me seli në Austri, që është pjesë e koncernit të madh zviceran të prodhimit të barnave „Novartris” dyshohet se prodhon një mjet narkotik që përdoret për ekzekutimin e dënimeve me vdekje në SHBA.

Siç shkruajnë mediet zvicerane, Sandoz e eksporton këtë lëndë narkotike në 50 vende të ndryshme të botës, por jo edhe në SHBA, ku ende bëhen ekzekutime të dënimeve me vdekje. Mirëpo ky bar, me emrin Thiopental mbërrin megjithatë në SHBA përmes një firme britanike e cila e riprodhon dhe e paketon. Pastaj një firnmë tjetër, po nga Britania e Madhe (Archimedes) e shet atë në SHBA.

Sipas televizionit austriak ORF Arhimedes u ka shitur vitin e kaluar autoriteteve amerikane të drejtësisë 525 gramë Thiopental, sasi kjo e mjaftueshme për futjen nën narkozë të 100 njerëzve para ekzekutimit.