Albion Rexhaj, vogëlushi i videoklipeve

Tashmë Albioni ka të edituar edhe këngë të shoqëruara me videoklipe. Janë 4 videoklipe dhe dy këngë që i ka bërë me producentin, Hekuran Krasniqi

Albioni  këto ditë mbush 10 vjeç, por është i lindur për të kënduar dhe ëndërron që  një ditë të bëhet yll i muzikës.

Vogëlushi është i pasionuar pas muzikës dhe ka arritur të bëhet i njohur në mesin e bashkëmoshatarëve me paraqitjet e tij nëpër manifestimet që organizohen nëpër Zvicër e Kosovë.

Ai flet pa aspak drojtje, me një shqipe që përpiqet ta flasë rrjedhshëm.

Për herë të parë në skenë, në moshën 6 vjeçare

Talenti i Albionit për muzikën ishte zbuluar nga vet prindërit. Ishte viti 2012 , kur babai i Albionit, Miftar Rexhaj së bashku me nje mik Agron Morinën kishin organizuar një koncert në Dulliken kushtuar 100-vjetorit të Pavarsisë së Shqipërisë. Atëherë Albio

ni ishte vetëm 6 vjeç.

“Prindërit më thanë provo me i mësu dy këngë: “Shqipërinë e Dua” dhe “Rroka Mandolinën”. Unë që të dyjat i mësova shumë shpejt dhe i këndova live para publikut i cili më duartrokiti shumë”, tregon për paraqitjen e parë para publikut Albioni.

10-vjeçari po ndjek shkollimin në piano dhe solo këndim ndërsa thotë të jetë nxënës shembullor në klasën e katërt në shkollën Kleinfeld në Dulliken.

Tashmë Albioni ka të edituar edhe këngë të shoqëruara me videoklipe.

Janë 4 videoklipe dhe dy këngë që i ka bërë me producentin, Hekuran Krasniqi dhe për verën që vjen po bën plane për edhe një videoklip nga i njëjti producent.

Albioni nuk mungon në asnjë manifestim që organizon Shkolla Shqipe në Zvicër duke arritur që t’i rrëmbejë zemrat e publikut që e ka shoqëruar gjithmonë me duartrokitje.

Këngëtar i vogël dhe shumë krenar

“Përmes këngës  kam derguar një mesazh te të rinjtë në Kosovë dhe diasporë që ta duan atdheun, ta duan gjuhën shqipe, t’i duan gjyshërit. Ndjehem edhe kur marr pjesë në organizime të ndryshme në Zvicër”, thotë Albioni i vogël.

Përveç në shqip, Rexhaj interpreton edhe në gjuhën angleze dhe gjermane.

10-vjeçari ka edhe dy vëllezër tjerë: Dardanin 17-vjeçar dhe Albanin 15 vjeçar, të cilët të dytë luajnë futboll për FC Dulliken.

Ndryshe, Albion Rexhaj është prezantuar në disa emisione në mediet kosovare për festat e fundvitit të kaluar

Prindërit e Albionit, janë prejardhje nga Panorci i Malishevës dhe jetojnë me tre fëmijët e tyre në Dulliken të Zvicrës.

Fotot: Admir Sahiti dhe Avni Selmani