Shtyhet për nesër votimi për presidentin dhe qeverinë

Nesër në orën 10:00 do të mblidhet Kryesia e Kuvendit, me ç’rast do të vendosë rreth caktimit të orës së seancës së jashtëzakonshme

Edhe përkundër paralajmërimeve se sot, në seancën e parë të përbërjes së re të Kuvendit, do të votohet presidenti i ri dhe qeveria e re, megjithatë, kjo është lënë për nesër.

Kryetari i sapozgjedhur i Kuvendit, Jakup Krasniqi njoftoi se do të shqyrtojë kërkesën e koalicionit për mbajtjen e një seance të jashtëzakonshme nesër, ku do të votohej për presidentin dhe qeverinë e re.

Krasniqi tha se nesër në orën 10:00 do të mblidhet Kryesia e Kuvendit, me ç’rast do të vendos rreth caktimit të orës së seancës së jashtëzakonshme.

Ndërkaq, nënkryetari i PDK-së, Hajredin Kuçi sqaroi në Kuvendin e Kosovës se kanë deponuar një kërkesë për seancë të jashtëzakonshme për nesër, në ora 15:00, me qëllim të votimit të presidentit dhe qeverisë.

“Ne pajtohemi me qëndrimin e Kuvendit të Kosovës, sepse jemi ithtarë të respektimit të Kushtetutës”, tha Kuçi.