Treni u përplas me një autobus, 17 të plagosur

Keystone

Një tren i shpejtë në Zvicër u përplas me një autobus, duke plagosur të paktën 17 persona, njofton policia në Bernë, përcjell albinfo.ch.
Përplasja mes të ashtuquajturit tren ICE dhe autobusit erdhi në vendkalimin hekurudhor në Interlaken, rreth 40 km nga kryeqyteti i Bernës.

Të gjithë të lënduarit u dërguan në spital, por deri tani nuk ka informacion në lidhje me lëndimin e  tyre, tha policia kantonale.

Ekipet e shpëtimit dhe punëtorët e mëngjesit pastruan vendngjarjen.
Hekurudhat zvicerane njoftuan se asnjë nga personeli i trenit ose nga udhëtarët në tren nuk janë lënduar në aksident, që ndodhi të premten në mbrëmje.