Euro 2016: Si duhet të festojmë gjatë Evropianit

(KEYSTONE/Jean-Christophe Bott)

Si pjesë e ndeshjeve të Kampionatit Evropian UEFA, policia  komunale dhe policia kantonale e Vaud-it do të ndërmarrë hapa për të menaxhuar festimet në rrugë dhe të sigurojë qendrat urbane, duke lejuar tifozët që të shprehin gëzimin e tyre.

Policia nuk do të promovojë kolonat e automjeteve. Për të siguruar rrjedhshmërinë e trafikut dhe sigurinë e përdoruesve, disa devijime të trafikut do të zbatohen.  Abuzimet dhe gabimet e rënda të trafikut do të denoncohen.
Me rastin e edicionit të 15-të të Kampionatit evropian  UEFA të futbollit që do të mbahet nga 10 qershori deri më 10 korrik, policia komunale dhe kantonale e Vaudit do të ndërmarrë veprime  për të menaxhuar mirë ngjarjet pas ndjeshjeve.

Forcat e policisë do të jenë të pranishme rreth vendeve të ndryshme, ku do jenë të grumbulluar mbështetësit, duke përfshirë vendet ku do të transmetohen ndeshjet në ekranet gjigante. Prania e policisë dë të mundësojë një përgjigje të shpejtë në rast se ka probleme si dhe për të siguruar qetësinë e banorëve.

Fundi i ndeshjeve në mënyrë të pashmangshme do të krijojë turma të mbështetësve, të cilët shprehin gëzimin apo zhgënjimin e tyre, duke përfshirë formimin e kolonave të automjeteve në qendrat urbane. Këto tubime nuk do të favorizohen nga policia. Me kusht që ato të mos pengojnë në mënyrë të padrejtë trafikun dhe rendin publik, ato do të tolerohen për një periudhë prej gjashtëdhjetë minutash nga fundi i ndeshjeve.

Trafiku do mund të deviojohet dhe në rast të veprave të rënda, të tilla si mosreskpektim i shpejtësisë apo i sinjaleve ndriçimore, i përparësive të qarkullimit si dhe të këmbësorëve do të denoncohen.

Pjesëmarrësit do të mund të mblidhen në mënyrë të sigurt në zonat për këmbësorët, duke siguruar rrjedhshmërinë e trafikut në qendrat urbane, veçanërisht për transportin publik. Policia komunale dhe kantonale e Vaud-it rekomandon tifozët që të shprehin ngazëllim e tyre duke respektuar rregullat e trafikut dhe të jenë të kujdesshëm, në mënyrë që kjo ngjarje festive të mbetet e hareshme gjerë në fund.