Talenti nga Kosova, Lisian Thaçi, i bashkohet Bayern Munich

Futbollisti i ri është bërë pjesë e FC Bayern Global Academy, programit ekskluziv të zhvillimit të talenteve të klubit gjerman.

Një tjetër talent shqiptar ka hedhur një hap të rëndësishëm në karrierën e tij. Lisian Thaçi nga Kosova i është bashkuar Bayern Munich, duke u bërë pjesë e FC Bayern Global Academy, programit ekskluziv të zhvillimit të talenteve të klubit gjerman, transmeton albinfo.ch.

Ky program është krijuar për identifikimin dhe zhvillimin afatgjatë të futbollistëve të rinj me potencial të lartë, duke u ofruar atyre mundësinë të stërviten sipas metodologjisë së një prej klubeve më të suksesshme në botë.

Pranimi i Lisian Thaçit në këtë akademi konsiderohet një moment i rëndësishëm edhe për futbollin kosovar, pasi ai është ndër futbollistët e parë nga Kosova që bëhet pjesë e programit afatgjatë të zhvillimit të Bayern Munich.

Ky është një hap i madh në rrugëtimin e tij sportiv dhe një dëshmi e talentit dhe potencialit që zotëron.

Lisian Thaçit i urojmë suksese në këtë kapitull të ri të karrierës, me shpresën që një ditë ta shohim duke shkëlqyer edhe në ekipin e parë të Bayern Munich dhe me fanellën e Kosovës./Albinfo.ch

---