Rruga drejt finales

Në 1/8 e finaleve do të ketë ndeshje mjaft interesante, ku më interesantja padyshim është Spanjë-Itali, derisa Zvicra do të ndeshet me Poloninë

Me përfundimin e fazës së grupeve janë mësuar të gjitha çiftet e fazës së ardhshme në “Euro 2016”. Belgjika dhe Republika e Irlandës ishin Përfaqësueset e fundit që siguruan biletën më tutje, shkruan albinfo.ch.

Nga dy ekipe prej gjashtë grupeve dhe katër më të mirat të pozicionuara në vendin e tretë të secilit grup kanë kaluar tutje në 1/8 e finales. Faza e dytë e “Euro 2016” do të nisë të shtunën, më 25 qershor, me tri ndeshje, derisa edhe të dielën zhvillohen tri ndeshje, kurse të hënën dy.

Në 1/8 e finaleve do të ketë ndeshje mjaft interesante, ku më interesantja padyshim është Spanjë-Itali, derisa Zvicra do të ndeshet me Poloninë.

Krahas kalimit tutje janë mësuar edhe çiftet, ndërsa tani është publikuar edhe skema drejt finales së madhe të Evropianit. Sipas skemës fituesi i duelit Zvicër – Poloni do të luajë me fituesin e duelit Kroaci – Portugali. Çerekfinalja e dytë do të caktohet mes fituesve të duelit Uells – Irlandë e Veriut dhe Hungari – Belgjikë. Çerekfinalja e tretë del të jetë supersfidë pasi fituesi i superndeshjes Itali-Spanjë luan me fituesin e Gjermani-Sllovaki.

Çerekfinalja e fundit caktohet mes fituesve të dueleve Francë-Irlandë dhe Angli-Islandë.

 

Orari i 1/8

E shtunë

15:00 Zvicër – Poloni

18:00 Uellsi – Irlanda e Veriut

21:00 Kroaci – Portugali

 

E diel

15:00 Francë – Irlandë

18:00 Gjermani – Sllovaki

21:00 Hungari – Belgjikë

E hënë

18:00 Itali – Spanjë

21:00 Angli – Islandë

---