Lazio e mban Berishën

Portieri i Kombëtares shqiptare ka bërë të ditur se do të qëndrojë vetëm nëse është titullar

Klubi i Lazios dhe trajneri i ri i sapo emëruar, Marcelo Bielsa nuk kërkon largimin e Etrit Berishës i cili shihet si zëvendësuesi ideal i titullarit Frederico Marcheti. Kjo duket se është justifikuar mese miri pas paraqitjes së shkëlqyer në Kampionatin Evropian, shkruan albinfo.ch.

Klubi kryeqytetas nuk është dakord që Berisha të largohet dhe po shohin mundësinë e arritjes së negociatave, duke i premtuar vendin e titullarit, raportojnë mediat italiane.

Presidenti Claudio Lotito ka biseduar ditët e fundit me Berishën dhe po mendon të shesë Frederico Marchetti. Sakaq, Berisha ka bërë me dije që do të qëndrojë tek Lazio vetëm nëse luan si titullar pasi në të kundërt largohet.