Heroi tragjik

Pavarësisht humbjes së penalltisë, Xhaka është zgjedhur dy herë lojtari i ndeshjes, derisa ishte i dyti në listën me pasime të sakta pas Toni Kroos

Gazeta e njohur “Blick” i ka kushtuar një artikull të plotë, Granit Xhakës, i cili shkëlqeu në grupe, por dështoi në penallti ndaj Zvicrës, duke u shndërruar në figurën tragjike, shkruan albinfo.ch.

Ai pas ndeshjes u pa afër tifozëve dhe Xhaka shkoi për t’u ngushëlluar te e dashura e tij Leonita, që po e përcillte nga tribuna. Ai, heroi tragjik i këtij Kampionati. Ai ka udhëhequr Zvicrën deri në këtë fazë, duke punuar si orë zvicerane, duke ndihmuar mbrojtjen dhe sulmin. Dhe tani ai humbi penalltinë vendimtare, që solli eliminimin e ekipit, shkruan e përditshmja zvicerane.

Ai pas ndeshjes ka shkruar në “Facebook” se i vjen shumë keq. Graniti thotë se kanë luajtur shumë më mirë në pjesën e dytë ndaj Polonisë, por nuk kishin fat. Gjithashtu të gjithëve u kërkoi falje për penalltinë e humbur.

Pavarësisht humbjes së penalltisë, Xhaka është zgjedhur dy herë lojtari i ndeshjes, derisa ishte i dyti në listën me pasime të sakta pas Toni Kroos. Edhe Xherdan Shaqiri e mbrojti atë, duke thënë se çdo lojtar mund të humbë penalltinë.

Xhaka po shndërrohet në një lider dhe sigurisht se ka të ardhme të ndritur. Ai pritet t’i udhëheq edhe në kualifikimet e Botërorit.