Hitzfeld: Shaqiri, së shpejti në një klub të madh!

“Shaqiri ka treguar edhe njëherë se është njeri për gola specifik. Goli i tij ishte i klasit botëror”, u shpreh trajneri gjerman

Ish-trajneri i Zvicrës, Ottmar Hitzfled gjithmonë ka qenë njeri ndër përkrahësit më të mëdhenj të yllit shqiptar, Xherdan Shaqiri, madje edhe kur ky i fundit u kritikua nga të gjithë, shkruan albinfo.ch.

Trajneri gjerman ka komentuar edhe golin e fundit të Shaqirit të shënuar në mënyrë sensacionale ndaj Polonisë. “Shaqiri ka treguar edhe njëherë se është njeri për gola specifik. Goli i tij ishte i klasit botëror”, deklaroi Hitzfeld.

Trajneri i mirënjohur beson se ylli i Zvicrës do të luajë në një skuadër më të madhe se Stoke City. “Ai tani duhet të stabilizohet tek Stoke duke luajtur rregullisht dhe në formë të mirë. Së shpejti do të jetë temë e mediave britanike për një transferim në një klub të madh. Kjo do të ndodhë”, theksoi Hitzfeld.