Dy artistë shqiptarë ekspozojnë në Cyrih

Bëhet fjalë për Burhan Ahmetin nga Maqedonia dhe Besnik Xhemailin nga Kosova. Organizator/Kurator/ i kësaj ekspozite është grafisti i njohur nga Kosova me qëndrim në Cyrih, Adem Dërmaku

Dy artistë shqiptarë, njëri nga Kosova e tjetri nga Maqedonia, do të prezantojnë punimet e tyre në ekspozitën e radhës, në studion dhe Galerinë “M.Gentinetta”, në Zürich. Bëhet fjalë për Burhan Ahmetin nga Maqedonia dhe Besnik Xhemailin nga Kosova.

Burhan Ahmeti do të prezantojë me këtë rast  rreth 30 tablo grafike në teknika te ndryshme, si litografi, akuatintë, gjilpërë të thatë, drugdhendje. etj, shkruan albinfo.ch.
Në tablotë e Burhanit trajtohen temat me motive nga tradita shqiptare, duke filluar prej djepit e deri te përfundimi i kësaj bote ku edhe është titulluar “Etno” kjo ekspozitë.

Besnik Xhemaili po ashtu do të prezantohet me një numër te konsiderueshëm të tablove grafike 25-30 ne teknikën e litografisë, akuatintës, seriografisë, etj.
Besniku është i përqendruar në artin abstrakt. Ai, me një pedantëri e përkushtim të madh nxjerr tablo fantastike në teknikat e përmendura. Në punimet e tij vihen shumë në pah forma, vija, hija, thjesht raportet figurative.
Ekspozita mban titullin ”Eklips”

Organizator/Kurator/ i kësaj ekspozite është grafisti i njohur nga Kosova me qëndrim në Cyrih, Adem Dërmaku.

Të dyja ekspozitat do të qëndrojnë hapur nga 3 deri më 16 korrik. Vernisazhi (hapja) bëhet më 2 korrik , me fillim në orën 18.00.

Ekspozita mund të vizitohet nga e marta deri të shtunën, nga ora 13.00 deri në orën 19.00

Galeria gjendet në Eglistrasse 8, 8004, Zürich