Kosova me ushtrues detyre të Presidentit

Kosova ka ushtrues detyre të presidentit që nga 31 marsi i vitit 2011

Kosova është me ushtrues detyre të presidentit , ka sqaruar sot Gjykata Kushtetuese e Kosovës duke iu përgjigjur letrës së kryeministrit të Republikës së Kosovës Hashim Thaçi, në të cilën ai kërkonte përgjigjen nëse në Kosovë ka vakum institucional, raportojnë mediat në Prishtinë.

Sipas sqarimit të sotëm të kësaj Gjykate, “Kosova ka ushtrues detyre të presidentit që nga 31 marsi i vitit 2011. Pra, nuk ka vakuum institucional që nga dita e publikimit të këtij aktgjykimi”.　　　　

Por, se kush mund të jetë ushtrues detyre, Gjykata nuk ka treguar.

Gjykata Kushtetuese e Kosovës, të mërkurën, e bëri publik aktvendimin e plotë mbi zgjedhjen e Behgjet Pacollit si president.

Në aktvendim thuhet se zgjedhja e tij si president pa asnjë kundërkandidat ka paraqitur shkelje të nenit 86 të Kushtetutës së Kosovës.

Po ashtu edhe mungesa e kuorumit është vlerësuar si antikushtetuese