Shkurt.ch
A mbërrin dora e Erdoganit deri në Zvicër?
Dje një shkollë private turke në Cyrih ka qenë cak i kërcënimeve në facebook, për shkakun e vetëm se ajo është e afërt me Gülenin. Një grua turke ka kërkuar mbylljen e kësaj shkolle, Me këtë rast drejtori i shkollës, një turk i lindur në Gjermani, ka informuar autoritetet e rendit për kërcënimin e marrë
Tentimi për grusht shteti në Turqi, i cili u bë më 15 korrik, i ka shërbyer presidentit turk, Erdogan si pretekst për shpallje të luftës kundër klerikut Fetullah Gulen, i cili konsiderohet si armik i përbetuar i tij. Ndërkohë, luftimi i ndikimit të Gulenit nuk kufizohet vetëm në Turqi. Tashmë të pasigurte ndjehen edhe simpatizantët e tij në Zvicër.
Siç shkruajnë sot mediat zvicerane, jo më larg se dje një shkollë private turke në Cyrih ka qenë cak i kërcënimeve në facebook, për shkakun e vetëm se ajo është e afërt me Gülenin, raporton srf në një emision. Sipas transmetuesit publik të Zvicrës, një grua turke ka kërkuar mbylljen e kësaj shkolle, transmeton albinfo.ch. Me këtë rast drejtori i shkollës, një turk i lindur në Gjermani, ka informuar autoritetet e rendit për kërcënimin e marrë.
Për herë të parë pas fillimit të fushatës së spastrimeve në Turqi, sot Ambasada turke në Bernë ka dhënë një deklaratë lidhur me atë se si e sheh gjendjen e re të krijuar në Turqi.
Ushtruesi i detyrës së ambasadorit, Volkan Karagöz, ka thënë para gazetarëve se shteti juridik nuk është i rrezikuar. Po ashtu as turqit që jetojnë në Zvicër nuk kanë përse të kenë frikë nëse u përmbahen rregullave, përcjell albinfo.ch. “Nuk ka shkak për shqetësim për ata njerëz që nuk kanë të bëjnë me këtë organizatë terroriste, as për sigurinë e tyre dhe as të familjes”, ka thënë Karagöz.
Ai ka shtuar se nuk janë paraparë masa konkrete kundër ithtarëve të Gülenit në Zvicër. “Por, në rast se do të ketë ndonjë kërkesë zyrtare nga Turqia për ekstradim, ne do t`ia përcjellim atë autoriteteve zvicerane. Këtu është tokë zvicerane dhe autoritetet zvicerane janë përgjegjëse këtu”.
E-Diaspora
-
Shqipëri: A do të mundësohet vota e emigrantëve në zgjedhjet 2025? Kryekomisioneri Shtetëror i Zgjedhjeve, në Shqipëri Ilirjan Celibashi deklaroi sot se vota e emigrantëve mund të...
-
Sot fillon në Cyrih Festivali i Filmit “Kino Kosova”
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
Jeta në Zvicër
-
Bashkëpunimi Zvicër-Kosovë, diskutojnë Rafuna e Fetahi Kryetari i Odës Ekonlmike të Kosovës Lulzim Rafuna u takua me Fehmi Fetahi, pronar i kompanisë...
-
Pritet trafik i rënduar gjatë majit në Zvicër
-
OECD: Aktiviteti i ngadaltë ekonomik ngadalëson rritjen në Zvicër
-
Rritje e investimeve të huaja në Zvicër gjatë vitit 2023
-
Qeveria zvicerane synon ekuilibër më të mirë gjinor në administratën federale