Zvicra ka nevojë për dyfishim të numrit të ekspertëve të IT

Ardhja e specialistëve nga jashtë nuk rrezikon vendet e punës të vendësve. Në fakt ndodh e kundërta, sepse, vetëm me numër të mjaftueshëm të specialistëve nga jashtë, ndërmarrjet kanë mundësi që projektet e tyre t`i zhvillojnë në Zvicër,

Fusha e IT në Zvicër  tregon nevojë të vazhdueshme për ekspertë të jashtëm, nga vendet e treta. Për këtë arsye në bazë të kërkesave të kësaj dege ekonomike Zvicra duhet të rrisë dyfish kontingjentet e shtetasve të vendeve jashtë BE-së dhe EFTA-s, specialstë të kësaj fushe. Kështu, siç shkruajnë gazetat “Zentralschweiz am Sonntag” dhe “Ostschweiz am Sonntag”, federata Swico ia ka bërë federatës një kërkesë në këtë drejtim.

Veç kësaj, Swico shpreh dëshirën që kontingjenti i ofruesve të shërbimeve nga vendet e BE-së të bëhet trefish më i madh se sa është, transmetoin albinfo.ch. Kjo degë po vuan veçanërisht shumë nga kufizimet e kontingjenteve, ka thënë për gazetat e përmendura menaxheri i Swico-s, Jean-Marc Hensch.

Ai ka shtuar se ardhja e specialistëve nga jashtë nuk rrezikon vendet e punës të vendësve. Në fakt ndodh e kundërta, ka thënë ai. Sepse, vetëm me numër të mjaftueshëm të specialistëve nga jashtë, ndërmarrjet kanë mundësi që projektet e tyre t`i zhvillojnë në Zvicër, përcjell albinfo.ch. Ndryshe ato duhet të dalin jashtë vendit, ku shërbimet e përmendura kushtojnë më lirë.

Siç dihet, Këshilli Federal ka bërë vitin e kaluar shkurtimin e kontingjenteve si përgjigje e detyruar pas fitores së iniciativës kundër migracionit masiv, të realizuar nga SVP-ja.