Frederik Veseli në Empoli

Frederik Veseli bëhet lojtari i tretë i Kombëtares që transferohet nga Superliga zvicerane në Serinë A gjatë vitit 2016. Para tij u transferuan Arlind Ajeti dhe Berat Gjimshiti

01.11.2015; Lugano; Fussball Super League - FC Lugano - FC Sion; Elsad Zverotic (Sion) und Frederic Veseli (Lugano) (Claudia Minder/freshfocus)

Një tjetër shqiptar transferohet në Serinë A. Frederik Veseli do t’i bashkohet skuadrës së Empolit për sezonin e ri të kampionatit italian të futbollit, shkruan albinfo.ch.

23-vjeçari që u largua nga zviceranët e Luganos, gjeti marrëveshjen me drejtuesit e klubit toskan, për kontratë dy vjeçare, me opsion rinovimi edhe për dy vjet të tjerë.

Veseli do të hedhë zyrtarisht firmën në kontratë, menjëherë pasi të përfundojë vizitat mjekësore. Me këtë transferim, futbollisti i lindur në Renens të Zvicrës, por që zgjodhi të përfaqësojë Shqipërinë në arenën ndërkombëtare, rikthehet në nivele të larta, pasi në fillimet e karrierës ishte pjesë e Manchester Cityt dhe Manchester United.

Veseli bëhet lojtari i tretë i Kombëtares që transferohet nga Superliga zvicerane në Serinë A gjatë vitit 2016. Përpara tij, këtë rrugë e ndërmorën Arlind Ajeti fillimisht te Frosinone dhe tashmë te Torino dhe Berat Gjimshiti te Atalanta.

Ndërkaq Veseli bëhet lojtari i tetë kuqezi që në sezonin e ri do të militojnë në elitën e futbollit italian, me koloninë shqiptare që përbëhet edhe nga Elseid Hysaj te Napoli, portierët Etrit Berisha dhe Tomas Strakosha te Lazio, si edhe Ledian Memushaj e Rey Manaj te Pescar