Futbollistë e politikanë urojnë Majlindën

Lorik Cana në ‘Instagram’ shkruan se të gjithë shqiptarët mburren me xhudisten që i sjell medaljen e parë të artë Kosovës. “Bravo Majlindë, mburremi me ty”, ka shkruar Cana

Pasi Majlinda Kelmendi u shpall kampione olimpike, nuk munguan urimet nga politikanë, sportistë, artistë, gazetarë, institucionet e ndryshme, por edhe nga qytetarët e thjeshtë. Ata u shprehën se ky ishte një moment kulmor dhe historik për sportin kosovar, shkruan albinfo.ch.

Futbollisti nga Mitrovica, Valon Behrami e uron xhudisten kosovare për historinë që ka shkruar, duke e quajtur si më e madhja. Kjo është medalja e parë për Kosovën, në pjesëmarrjen e parë në Lojërat Olimpike.

Lorik Cana në ‘Instagram’ shkruan se të gjithë shqiptarët mburren me xhudisten që i sjell medaljen e parë të artë Kosovës. “Bravo Majlindë, mburremi me ty”, ka shkruar Cana.

Por, edhe disa futbollistë të tjerë kanë shkruar për suksesin e Majlindës, si Shkëlzen Gashi e Berat Gjimshiti.

Suksesit të Majlinda Kelmendit në Rio i është i gëzuar edhe ambasadori amerikan në Kosovë, Greg Delawie. “Një moment historik për Kosovës dhe për këtë sportiste të jashtëzakonshme. Duke festuar së bashku me të gjithë këtu sonte”, ka thënë Delawie.

Ambasadori britanik Ruairi O’Connelli, ka shkruar në llogarinë e tij në “Facebook” për fitoren e Majlinda Kelmendit në “Rio 2016”, e cila u shpërblye me medaljen e artë. Ai shkruan: “Kampione u kry”.

Kryetari i Prishtinës, Shpend Ahmeti ka uruar Majlinda Kelmendin dhe gjithë Kosovën për medaljen e artë në Lojërat Olimpike në Rio. Urimi i tij ishte më i veçantë. “Sot KEDSI ma ndali rrymën për gjysmëfinale e finale (prishje thanë), po gëzimin nuk munden me na e ndal. Urime Majlinda! Urime Kosovë!”, shkruan Shpend Ahmeti në llogarinë e tij në “Facebook”.