Gashi, i lumtur me fitoren

“Jam shumë i lumtur për fitoren dhe dëshirën që kemi pasur për të fituar. Kemi qenë si kurrë më parë të vendosur që të triumfojmë. Në dhomat e zhveshjes kemi biseduar se duhet të luajmë për fitore dhe ia kemi arritur qëllimit”, u shpreh Shkëlzen Gashi

Sulmuesi i Kombëtares shqiptare, Shkëlzen Gashi është shprehur i lumtur me fitoren që realizoi skuadra e tij me rezultat 2:0 ndaj Vancouverit, në ndeshjen e  javës së 24-të, shkruan albinfo.ch.

Kjo fitore erdhi pas humbjes nga New York City me rezultat 5:1. “Jam shumë i lumtur për fitoren dhe dëshirën që kemi pasur për të fituar. Kemi qenë si kurrë më parë të vendosur që të triumfojmë. Në dhomat e zhveshjes kemi biseduar se duhet të luajmë për fitore dhe ia kemi arritur qëllimit. Kemi folur shumë në fushë dhe të gjithë kanë dhënë maksimumin”, deklaroi Gashi.

Ai në këtë ndeshje ka luajtur si mesfushor i avancuar, por për të e rëndësishme ishte që skuadra mori tri pikë. “Nuk ka rëndësi se ku luaj unë. E rëndësishme është që të fitojmë. Këtë e kemi arritur dhe jam shumë i lumtur”, theksoi ai.

Corlorado mban vendin e dytë me 41 pikë, tri më pak se Dallasi që ka dy takime me tepër. Gashi luajti titullar deri në minutën e 89-të.